Шанба, 20 Yanvar 2018

Кучли шамол туфайли поезд ағдарилиб кетди

Интернетда Швейцарияда кучли шамол сабабли поезднинг рельслардан чиқиб кетиб, ағдарилиб кетгани видеоси тарқалди.

Воқеа Ленк шаҳри ёнида, Берн кантонида юз берган. Видеода кучли шамол туфайли йўловчи поездининг биринчи вагони ағдарилиб кетганини кўриш мумкин. Поезд ағдарилгач, яна бир неча метрга суриб кетилган. Воқеа оқибатида 8 киши жароҳат олган.

Ўша куни Швейцарияга “Бурглинд” қишки бўрони ёпирилган. Шамол тезлиги 200 км/соатгача етган. Ёмон об-ҳаво шароити туфайли мамлакатнинг баъзи ҳудудларида автомобиль ва темир йўл алоқаси тўхтаб қолган, бир неча ўнлаб авиарейслар бекор қилинган ва бошқа санага кўчирилган. Деярли 100 минг хонадон электр таъминотисиз қолиб кетган.